19.Հունվար.2018
Պուտինը սուզվել է սառցափոսի մեջ (լուսանկարներ, տեսանյութ) Անպատժելիությունը նոր հանցագործություններ է ծնում. «Փաստ» Մակարավանքից գողացել են սրբապատկերներ ու աղոթագրքեր. «Փաստ» Հակակոռուպցիոն միջոցառումներ կոռումպացված համակարգի կողմից. «Փաստ»
«Ծառուկյան» դաշինքն Արմեն Սարգսյանի թեկնածութ... Հիշո՞ւմ եք ռեկորդակիր մայրիկին, ով 2009 թվակա... Ռուս երկրպագուները պահանջում են Ժաննա Ֆրիսկեի... Տղան հանգիստ նստած էր նստարանին․ Իսկ հիմա ուշ... ՏԵՍԱՆՅՈՒԹ. «Մտանք բաղնիք` իբր լողանալու». ինչ... Տարօրինակ ամերիկյան օրենքներ, որոնք խախտելու ... Մինչև ընդհանուր հայտարարի չգանք, 2-րդ երեխայի... Տեսանյութ. Հռոմի պապն իջել է մեքենայից՝ օգնել... Պուտինը սուզվել է սառցափոսի մեջ (լուսանկարներ... Ողջ ճշմարտությունը Ռոբսոնի մասին (տեսանյութ) ... ՏԵՍԱՆՅՈՒԹ. Շմայսն ու Ձախ Հարութը միասին Լոս Ա... ՀՀԿ նախագահի թեկնածուն նախկին վարչապետ Արմեն ... Արդեն հայտնի է, թե ով է Ջիգարխանյանի ժառանգը.... Անպատժելիությունը նոր հանցագործություններ է ծ... Մակարավանքից գողացել են սրբապատկերներ ու աղոթ... Հակակոռուպցիոն միջոցառումներ կոռումպացված համ... Մարզերում ընտրություններ կլինեն. «Փաստ» Թունաքիմիկատները 20%–ով կթանկանան. «Փաստ» 3 միլիոն դրամ փոխառություն կրթահամալիրի ֆակու... Տուֆաշենցիների պահանջն իրականություն կդառնա. ... «Չկան թե՛ փուլային, թե՛ փաթեթային լուծման մեխ... ԱՎԾ տոկոսներն ու Վաչե Գաբրիելյանի «երգերը» . ... Մեկուկես տարվա մեջ ադրբեջանցիները 5–ից 10 հազ... Ոստիկանները «գրավել» են հոգեբուժարանը. «Փաստ»... Բուլկի Արամի փայատեր գործընկերներն անհանգստաց...

Որևէ քաղաքական ուժ Արտակ Զեյնալյանի հետ մրցող նախագահի թեկնածու չի՞ կարող առաջադրել. «Փաստ»

«Փաստ» օրաթերթը գրում է.

Մեր հյուրն է Ազգային ժողովի պատգամավոր, «Ելք» խմբակցության անդամ Գևորգ Գորգիսյանը

– Պարոն Գորգիսյան, հայտարարվեց, որ երբ նոր Սահմանադրությունը մտնի կիրառության մեջ, «Ելք» խմբակցության նախագահի թեկնածուն լինելու է Արտակ Զեյնալյանը: Ինչո՞վ եք հիմնավորում ձեր ընտրությունը:

– Կարծում ենք, որ նոր Սահմանադրությամբ սահմանված նախագահի լիազորությունները կկարողանա լավագույնս իրականացնել Արտակ Զեյնալյանը: Նա ունի անբիծ անցյալ, մասնակցել է ղարաբաղյան պատերազմին, գործադիրում ունի աշխատանքային փորձ. պաշտոնավարել է առողջապահության փոխնախարարի պաշտոնում, տիրապետում է նաև սահմանադրության և իրավաբանական տարբեր ոլորտների խորը գիտելիքների:

Միաժամանակ երկար տարիներ զբաղվել է քաղաքացիների իրավունքների պաշտպանությամբ: Այսինքն՝ ունի այն կարողականությունը, որպեսզի մեր երկրում նախագահի ինստիտուտը լինի խորհրդարանին և կառավարությանը վերահսկող լրջագույն օղակ:

– Բայց նոր նախագահի լիազորությունները բավականին սահմանափակ են: Այս պարագայում նա կկարողանա՞ իրականություն դարձնել այն սպասելիքները, որ հասարակությունը կունենա նրանից:

– Մենք այդ լիազորությունների սահմաններն իմանալով ենք առաջադրել Արտակ Զեյնալյանի թեկնածությունը: Եվ վստահ ենք, որ նա կկարողանա օգտագործել իր բոլոր լիազորությունները և ձեռքին եղած լծակները՝ ի շահ Հայաստանի Հանրապետության և ի շահ Հայաստանի Հանրապետության քաղաքացու:

– Ես կարծում եմ, որ մեր երկրի՝ ճգնաժամային այս իրավիճակում առավել անհրաժեշտ են հայրենասեր ղեկավարներ, քան լավ մասնագետներ:

– Այդպես չի լինում. առավել հայրենասերը կարող է լինել վատ մասնագետ ու երկիրը տանել կործանման:

– Այսինքն՝ ձեր թեկնածուի պարագայում այս երկուսը համընկել են, այո՞. այն լավագույն դեպքերից է:

– Մեկին ցույց տվեք, որ Հայաստանի Հանրապետությանն այդքան նվիրվել ու ծառայել է, ինչքան Արտակ Զեյնալյանը:

Ավելին ասեմ՝ այս պահին որևէ քաղաքական ուժ Արտակ Զեյնալյանի հետ մրցող նախագահի թեկնածու չի կարող առաջադրել:

– Իսկ ինչպե՞ս կկարողանաք անցկացնել նրա թեկնածությունը: Դուք խորհրդարանում համախոհներ կունենա՞ք, դաշնակիցներ կգտնե՞ք:

– Ինչպես գիտեք՝ քաղաքականությունը հնարավորի արվեստ է: Մենք արդեն իսկ բանակցություններ ենք սկսել «Ծառուկյան» դաշինքի հետ: Քանզի նախագահի թեկնածու առաջադրելու համար անհրաժեշտ է լինելու խորհրդարանի ձայների մեկ քառորդը:

Եվ մի բան էլ ասեմ՝ այս պարագայում ոչ միայն հաղթանակն է կարևոր: Կարևոր է նաև մարտահրավեր նետելը իշխող քաղաքական ուժին: Իսկ մեր թիրախը, ում ցանկանում ենք հասցեագրել մեր խոսքը, մեր հասարակությունն է, Հայաստանի Հանրապետության քաղաքացին է: Եվ մեր այս նախաձեռնությունը առաջին հերթին ուղերձ է վերջիններիս:

Մենք նրանց ասում ենք՝ եթե մենք լինեինք քաղաքական մեծամասնություն, ապա դուք կունենայիք այս որակները կրող և նման փոփոխությունների գնացող, դրանց պատրաստ նախագահ:

Եվ մենք հիմա ունենք այդպիսի նախագահի թեկնածու: Նա, երբ ժամանակը գա, կներկայացնի իր ծրագրերը, կպարզաբանի, թե ի՞նչ է անելու և ինչպե՞ս է անելու:

Եվ էլի՛ եմ ասում, եթե անգամ ստացվի այնպես, որ պարոն Զեյնալյանը չընտրվի նախագահի պաշտոնում, ապա, միևնույնն է, մենք հիմա արդեն լրջագույն մարտահրավեր ենք նետել գործող իշխանությանը առնվազն մեր թեկնածուին համարժեք թեկնածու գտնել–առաջադրելու հարցում:

Նաև մենք մեր մոտեցումն ենք ցույց տալիս դրանով: Ցույց ենք տալիս, թե ինչպիսի՞ն կարող էր լինել Հայաստանի Հանրապետությունը և ինչպիսի՞ն կարող էր լինել մեր ապագան, եթե քաղաքական մեր ուժը լիներ մեծամասնություն: Սա ուղերձ է մեր ընտրողներին դեպի 2022 թվական:

 

 

Շարունակությունը՝ «Փաստ» օրաթերթի այսօրվա համարում

website by Sargssyan