24.Փետրվար.2018
ԵՄ–ն Հայաստանի հետ հեռահար նպատակներ ունի. «Փաստ» Փողոցում գտնված այս հասկին սովամահ ու հյուծված տեսք ուներ. տեսեք, թե ինչ տեսք ունի նա այսօր՝ 8 ամիս անց (Ֆոտո) 14 միլիոն դրամ ուշուի և քունգֆուի Եվրոպայի գավաթը՝ Երևանում անցկացնելու համար. «Փաստ» Գումար պոկելու նոր մեթոդ` «Դեղերի մասին» նոր օրենքի տեսքով. «Փաստ»
Զինվոր է վիրավորվել Կենտրոն հեռուստաընկերությունը սկսում է «Երևի»... Հայկական բուսական թեյերը կարտահանվեն Գերմանիա... Սպասվում են տեղումներ. Առաջիկա 5 օրերի եղանակ... Ստորգետնյա քաղաք՝ անապատի մեջտեղում. Տեսեք, թ... Կինը վերանայում էր ամուսնու հետ հին լուսանկար... Զույգը հեռվում մի մեծ հսկա արջ նկատեց, որն իր... Ընկերության աշխատակիցները չէին կարողանում հաս... Ծովափին ձկնորսը մի շիշ գտավ. ահա, թե ինչ կար ... Այս ամերիկացի կնոջը դատապարտել են ազատազրկման... Այս երիտասարդը սուպերմարկետում $17 վճարեց անծ... Բժիշկները տղային ասացին, որ ինքը 2 շաբաթից մա... Աղջիկը երկար ժամանակ քնում էր իր սիրելի հսկա ... Հայտնի օրենքով գող Սվո Ռաֆի հուղարկավության օ... ԵՄ–ն Հայաստանի հետ հեռահար նպատակներ ունի. «Փ... Տատիկն ու պապիկն ուզում էին, որ երեխան ասի իր... Նա փորձեց հեռախոսի այս հատվածը ներկել և արդյո... Տղան 200 դոլարով գնեց այս խարխուլ ավերակն ու ... Ընկերությանը դիտավորյալ տարել է սնանկացման «Փ... Աշխարհի ամենացուրտ վայրերը (Ֆոտոշարք, տեսանյ... Փողոցում գտնված այս հասկին սովամահ ու հյուծվա... 14 միլիոն դրամ ուշուի և քունգֆուի Եվրոպայի գա... 7-ամյա տղայի խնամքին թողեցին 1 տարեկան եղբորը... Գումար պոկելու նոր մեթոդ` «Դեղերի մասին» նոր ... Իրավապահները ստուգում են Նովոռոսիյսկի հիվանդա...

Գուսան Հայկազուն. «Համակարգը պիտի փոխվի, իսկ դրա լավագույն ճանապարհը ճիշտ ընտրություններն են». «Փաստ»

«Փաստ» օրաթերթը գրում է.

«Փաստի» զրուցակիցն է գուսան, երգահան, «Հայկազունք» երաժշտական համույթի գեղարվեստական ղեկավար, ՀՀ մշակույթի վաստակավոր գործիչ, Արցախյան պատերազմի մասնակից Գուսան Հայկազունը (Գագիկ Նազարյան)

– Գուսան Հայկազուն, երեք ամսից մեր երկրում տեղի կունենա քաղաքական տեսանկյունից մեծ իրադարձություն՝ համապետական ընտրություններ: Քաղաքական դեմքերը, անկախ տրամաչափից, այս ընտրություններից մեծ ակնկալիքներ ունեն: Իսկ ի՞նչ ակնկալի ժողովուրդը:

– Այս ընտրությունները հավանաբար վերջին շանսն են, որ այս երկիրը կամ երկիր կդառնա, կամ այդպես էլ ճահճի մեջ կգնա, կխորտակվի ժողովրդի հետ միասին: Հասարակ ժողովուրդը պետք է հասկանա, որ իր մեկ ձայնը որքան մեծ նշանակություն ունի այս երկրի համար, որ այդ մի ձայնից է կախված մեր երեխաների՝ արտագաղթից վերադառնալու ուղին: Պետք է կարողանալ հասկացնել դա ժողովրդին, որովհետև ժողովրդի մի մասը դարձել է անտարբեր, մարդիկ կարծես թե չեն հասկանում, որ իրենք այս երկրի տերն են: Պայքարող պետք է լինել: Մեր ժողովուրդը խեղճացել է, պետք է նրան այդ վիճակից հանել:

– Ընդհանրապես Հայաստանում ե՞րբ և ո՞ր դեպքում է հնարավոր հասնել քաղաքական փոփոխությունների:

– Համակարգը պիտի փոխել, ուրիշ բան չկա: Այսօր ընկերոջս հետ վերջին քաղաքական իրադարձություններից էինք խոսում և եկանք այն եզրակացության, որ եթե ամենալավ մարդն էլ մտնում է համակարգ, եթե համակարգի օրենքներով չշարժվի, ուրեմն չի կարող աշխատել, իսկ եթե շարժվում է համակարգի դրված օրենքներով՝ ուրեմն բացասական կերպար է դառնում: Կարող է շատ լավ մարդ լինի, բայց հանուն աշխատանքի դառնում է բացասական կերպար: Պետք է համակարգը փոխվի, իսկ դրա լավագույն ճանապարհը ճիշտ ընտրություններն են: Թող մի անգամ սխալվեն, թող մի անգամ գան այլ ուժեր, գուցե ոչ այնքան լավ, բայց վերջապես այս ազգի մեջ մարդիկ կան չէ՞, ովքեր երկրի մասին պիտի մտածեն: Հայոց արգանդը հո չի՞ սպառվել: Այնքան լավ մարդիկ կլինեն: Իսկ ես հավատում եմ, որ այս անգամ մի բանի կհասնենք:

– Եթե ընտրություններում կեղծիքներ լինեն, հերթական ընդվզում հնարավո՞ր եք համարում: Թե՞ «Սասնա ծռերի» հետ տեղի ունեցածը փակեց փոփոխությունների հասնելու բոլոր տեսակի ըմբոստ ճանապարհները:

– Ոչ–ոչ: Մենք պիտի հիշենք, որ եղել է «Մարտի 1», «Սասնա ծռեր»: Մենք ըմբոստացող ժողովուրդ ենք, ինչ–որ առումով այդ ժամանակ դանակը հասել էր ոսկորին: Ես վախենում եմ, որ եթե հանկարծ կեղծիքներ լինեն և դժգոհ լինենք ընտրության արդյունքներից, շատ ավելի վատ բաներ կլինեն, քան «Սասնա ծռերը»: Պետք է բոլորս ձգտենք ընտրությունները ճիշտ անցկացնել, որովհետև ևս մեկ «Սասնա ծռեր» կամ ավելի խոշոր բան կարող է շատ վատ հետևանքներ ունենալ մեր ժողովրդի և պետության համար:

– Կառավարության ղեկավարի և որոշ նախարարների փոփոխությունները դրական տեղաշարժերի սկիզբ համարել կարո՞ղ ենք:

– Ես այդպես չեմ կարծում, քանի որ արդյունք չեմ տեսել: Սա սոսկ ընտրությունների համար էր արված, որովհետև ոչինչ էլ չփոխվեց, սոսկ խոստումներ և լավ խոսքեր հնչեցին: Իսկ այդ խոստումներն ու լավ խոսքերը մենք վաղուց լսում ենք, արդեն հոգնել ենք այդ ամենից:

– 2016 թ. Հայաստանի համար կորուստների ու պայքարի տարի եղավ: Ձեր կարծիքով, ապրիլյան պատերազմն ու հուլիսյան դեպքերը ի՞նչ տվեցին կամ խլեցին մեր ժողովրդից հոգևոր իմաստով:

– Ես հպարտանում են մեր առյուծ տղաներով, փառք իրենց: Բայց ես ավելի շատ բացասական բաներ տեսա, որ չպիտի լինեին: Ապրիլյան դեպքերը մեր իշխանության թույլ քաղաքականության արդյունքն էր: Մենք դրանից պետք է եզրահանգումներ անենք, որը, սակայն, չենք անում: Կարծես ապրիլյան դեպքերը մոռացվեցին: Ես միայն մի բանի համար եմ ուրախ, որ մեր ժողովուրդն այդքան ուժեղ է, վստահ եմ, որ մեր սահմաններին առյուծներ են կանգնած:
Մի բան էլ ասեմ, ապրիլյան դեպքերի ժամանակ բոլոր ազատամարտիկները, կռված, չկռված տղամարդիկ շտապեցին դեպի սահման՝ հախուռն, անկազմակերպ, որը չէր կարելի: 60 տարեկան, հիվանդ, փորով, ինֆարկտ տարած մարդիկ ուզում էին կռվել, այն դեպքում, որ եթե ուսապարկն ուսին 10 մետր գնային, ինֆարկտ կստանային: Ախր, նրանց պետք չէր թողնել: Սա պիտի կազմակերպված լինի և ոչ թե պատերազմը լինելու պահին նոր մտածեն, թե ինչպես կազմակերպել այդ ամենը:
Հուլիսյան դեպքերի մասով էլ կարծում եմ, որ այն ժողովրդից ոչինչ չխլեց, այն ցույց տվեց, որ այսպես շարունակել չի լինի: Թեև ես «Սասնա ծռերի» մասին երգ ունեմ գրած, ես չեմ գովում նման արարքը, բայց սա անխուսափելի էր: Պարզապես չպիտի հասցնել այդ վիճակին: Եթե այս վիճակը շարունակվի, վաղը ավելի վատ բաներ կարող են լինել: Եթե շարունակվեց և՛ հուլիսյան դեպքեր կլինեն, և՛ «Հոկտեմբերի 27»: Պետք է երկիրը երկիր դարձնել:

Շարունակությունը` «Փաստ» օրաթերթի այսօրվա համարում:

website by Sargssyan