24.Փետրվար.2018
ԵՄ–ն Հայաստանի հետ հեռահար նպատակներ ունի. «Փաստ» Փողոցում գտնված այս հասկին սովամահ ու հյուծված տեսք ուներ. տեսեք, թե ինչ տեսք ունի նա այսօր՝ 8 ամիս անց (Ֆոտո) 14 միլիոն դրամ ուշուի և քունգֆուի Եվրոպայի գավաթը՝ Երևանում անցկացնելու համար. «Փաստ» Գումար պոկելու նոր մեթոդ` «Դեղերի մասին» նոր օրենքի տեսքով. «Փաստ»
Զինվոր է վիրավորվել Կենտրոն հեռուստաընկերությունը սկսում է «Երևի»... Հայկական բուսական թեյերը կարտահանվեն Գերմանիա... Սպասվում են տեղումներ. Առաջիկա 5 օրերի եղանակ... Ստորգետնյա քաղաք՝ անապատի մեջտեղում. Տեսեք, թ... Կինը վերանայում էր ամուսնու հետ հին լուսանկար... Զույգը հեռվում մի մեծ հսկա արջ նկատեց, որն իր... Ընկերության աշխատակիցները չէին կարողանում հաս... Ծովափին ձկնորսը մի շիշ գտավ. ահա, թե ինչ կար ... Այս ամերիկացի կնոջը դատապարտել են ազատազրկման... Այս երիտասարդը սուպերմարկետում $17 վճարեց անծ... Բժիշկները տղային ասացին, որ ինքը 2 շաբաթից մա... Աղջիկը երկար ժամանակ քնում էր իր սիրելի հսկա ... Հայտնի օրենքով գող Սվո Ռաֆի հուղարկավության օ... ԵՄ–ն Հայաստանի հետ հեռահար նպատակներ ունի. «Փ... Տատիկն ու պապիկն ուզում էին, որ երեխան ասի իր... Նա փորձեց հեռախոսի այս հատվածը ներկել և արդյո... Տղան 200 դոլարով գնեց այս խարխուլ ավերակն ու ... Ընկերությանը դիտավորյալ տարել է սնանկացման «Փ... Աշխարհի ամենացուրտ վայրերը (Ֆոտոշարք, տեսանյ... Փողոցում գտնված այս հասկին սովամահ ու հյուծվա... 14 միլիոն դրամ ուշուի և քունգֆուի Եվրոպայի գա... 7-ամյա տղայի խնամքին թողեցին 1 տարեկան եղբորը... Գումար պոկելու նոր մեթոդ` «Դեղերի մասին» նոր ... Իրավապահները ստուգում են Նովոռոսիյսկի հիվանդա...

Իշխանությունների անգործությունը՝ արտագաղթի պատճառ. «Փաստ»

«Փաստ» օրաթերթը գրում է.

Իշխանություններին տասը տարի չի հաջողվել Հայաստանը գրանցել դրամական փոխանցումների PayPal վճարային համակարգում, և դրա կիսատ–պռատ աշխատանքի պատճառով մարդիկ ստիպված են լինում նույնիսկ արտագաղթել երկրից: Առաջին հայացքից թվում է, թե այդ երկուսն իրար հետ որևէ կապ չունեն, բայց փաստն այն է, որ օր օրի աճող գործազրկության պայմաններում մարդիկ նույնիսկ զրկված են նաև արտերկրում որևէ աշխատանք գտնելու կամ որևէ բիզնես–գործարք կատարելու հնարավորությունից:
Ի դեպ, իրականությունն ավելի անհանգստացնող է, քան կարելի է պատկերացնել և իշխանությունների ուշադրությունն այդ հարցի վրա հրավիրելու համար անցյալ տարվանից change.org–ում կազմակերպվել է ստորագրահավաք, բայց մինչ օրս Հայաստանը շարունակում է աշխարհում ամենատարածված էլեկտրոնային վճարային այդ համակարգից մասնակի կամ միակողմանի օգտվողների ցանկում մնալ:
Ստորագրահավաքի կազմակերպիչները պնդում են, որ թեև իշխանությունները չեն ուսումնասիրել, թե Հայաստանը նշված համակարգում շրջանառություն ապահովելու որքա՞ն ներուժ ունի, բայց հայտարարում են, թե իբր վճարային համակարգն ինքն է մերժում մեր երկրին, իբր փոքր չափերի շրջանառություն ունենալու պատճառով:
Ստացվում է, որ իշխանությունների անտարբերության կամ հանցավոր անգործության պատճառով շատ մասնագետներ, զրկվելով արտերկրում գործող ընկերություններում աշխատանք գտնելու և սեփական երկրում արժանապատիվ ապրելու հնարավորությունից, աղքատության ճահճում խեղդվելու փոխարեն նախընտրում են լքել իրենց հայրենիքը: Մինչդեռ PayPal վճարային համակարգի լիարժեք աշխատանքը կարող էր նպաստել, որ ոչ միայն Հայաստանում մանր ու միջին բիզնեսը զարգանա, այլև ավելանա երկիր ներգաղթողների թիվը:
Հարցի մասին ՀՀ ԿԲ–ից «Փաստին» պատասխանեցին, որ թեև PayPal համակարգում գրանցվելը և վճարումներ կատարելը հայաստանյան քարտատերերի համար հասանելի է շուրջ 10 տարի, սակայն PayPal–ի միջոցով ստացված գումարները ՀՀ բանկերում կանխիկացնելու հնարավորություն Հայաստանում չկա:
«ՀՀ Կենտրոնական բանկը նախկինում մի քանի անգամ դիմել է վերոհիշյալ ընկերությանը, փորձելով պարզել առկա սահմանափակումների պատճառը, մասնավորապես արդյոք առկա՞ են խոչընդոտներ, որոնք սահմանափակում են ծառայությունների մատուցման հնարավորությունը ՀՀ տարածքում։ Որպես պատասխան մշտապես նշվել է, որ որևէ օրենսդրական խնդիր ընկերությունը չունի և այդ որոշման հիմքում պարզապես բիզնես հաշվարկներ են և շուկայի փոքր ծավալը։ Ընդունելով այն փաստը, որ ՀՀ տարածքում ծառայություններ մատուցելը ընկերության որոշումն է ԿԲ–ն, համագործակցելով ԱԳՆ և Կապի և տրանսպորտի նախարարության հետ, շարունակում է աշխատանքներ իրականացնել PayPal–ի հետ համագործակցություն ծավալելու հարցում»,– ասվում է ԿԲ հասարակայնության հետ կապերի ծառայության պարզաբանման մեջ:
Ի դեպ, ԿԲ–ից տեղեկացնում են նաև, որ վերջին 5 տարում վճարային տեխնոլոգիաների զարգացմանը զուգահեռ, Հայաստանում հասանելի են դարձել ինչպես վճարումների, այնպես էլ փոխանցումների իրականացման այլ եղանակներ և համակարգեր նույնպես, այդ թվում՝ ուղղակիորեն քարտի համարն օգտագործելու միջոցով:
Ստացվում է մարդիկ կամ այդ մասին չգիտեն, կամ էլ առաջարկվող այլընտրանքային տարբերակները PayPal–ի պայմաններից ավելի վատն են: Հակառակ դեպքում այդքան մեծ չէր լինի նշված համակարգից օգտվելու ցանկությունը:
Հետաքրքիր է նաև, թե Էկվադորի, Հոնդուրասի, Բուլղարիայի կամ Վրաստանի դեպքում ինչպիսի բիզնես հաշվարկներ են եղել, որ այդ երկրները կարողացել են գրանցվել PayPal համակարգում, իսկ մեր իշխանությունների բիզնես–հաշվարկների մասին պատճառաբանություններն այնքան ժամանակ կշարունակեն կասկածներ հարուցել, քանի դեռ չեն հրապարակայնացվել ո՛չ կառավարության կողմից PayPal–ին ուղղված դիմումները, և ո՛չ էլ դրանց պատասխանները:

Շարունակությունը` «Փաստ» օրաթերթի այսօրվա համարում:

website by Sargssyan