24.Փետրվար.2018
Այս անուշիկ աղջնակը հիվանդացավ այն բանի պատճառով, ինչ անում է ծնողների 99 տոկոսը Բաքվում տղամարդը մնացել է ռեստորանի խոհանոցի օդամղիչի մեջ (տեսանյութ) Հայաստանում «Մաքդոնալդս» բացելու լուրը պաշտոնապես չի հաստատվում . «Փաստ» Տիգրան Հայրապետյան. «Արդարադատության չիրականացման պտուղները դեռ երկար տարիներ կքաղենք». «Փաստ»
Այս անուշիկ աղջնակը հիվանդացավ այն բանի պատճա... Արտակարգ դեպք Հ1-ի տաղավարում. ինչու հաղորդավ... ԵՐԵՒԱՆՈՒՄ ԱՆՀԱՅՏ ՕՏԱՐԵՐԿՐԱՑԻՆ ԱԴՐԲԵՋԱՆԱԿԱՆ ՄԵ... Իմ բաժինը տուր, թե չէ նպաստդ կկտրեմ (տեսանյու... Բաքվում տղամարդը մնացել է ռեստորանի խոհանոցի ... Լքված շինությունը, որը տղամարդը գնեց շատ էժան... Աշխարհի 10 ամենավտանգավոր օձերը, որոնց միայն ... Առաջին հայացքից այս երիտասարդը սովորական բուժ... Փարիզից Վերսալ գնացող մետրոյի գնացքն է․ միայն... Այս կնոջը հուղարավորեցին արքայավայել՝ միայն ծ... Այս 14-ամյա կենսախինդ աղջնակն իր ժպիտի տակ սա... Մայրը նրան դրեց արկղի մեջ և թողեց փողոցի մեջտ... «Դղյակ անիվների վրա» կամ աշխարհի ամենաթանկ շա... Նոր ջրագծի անցկացման ժամանակ ջրմուղագործները ... Առաջին հայացիքց դժվար է հավատալ, որ այս տունը... Տղամարդը հյուրանոցի սեղանի տակ թաքնված կոճակ ... Այս աղջիկը պարբերաբար աղ է շաղ տալիս բնակարան... Երիտասարդը ցանկանում էր ստուգել ջրաչափը․ բացե... Գնչուհիների առաջին ամուսնական գիշերը տեղի է ո... Օձերի 5 ամենասարսափելի հարձակումները մարդկանց... Այս 16-ամյա աղջկան բռնաբարել են 43200 անգամ. ... 3 օր շարունակ պատի մեջ մումիֆիկացված դեռահասը... Եվրոպատուհանների 2 գաղտնիք, որոնց մասին Ձեզ ... Հայաստանում «Մաքդոնալդս» բացելու լուրը պաշտոն... Ինչպիսի՞ն է բոլիվուդյան հեռուստասերիալներից հ...

Իրականում թուրքերը պայքարում են Թուրքիայի մասնատման ծրագրի դեմ. «Փաստ»

 

«Փաստ» օրաթերթը գրում է.

Թուրքական մամուլի տարածած տեղեկությունների համաձայն Թուրքիայի զինված ուժերի ստորաբաժանումների մի խումբ տեղակայվել է Սիրիայի Իդլիբ քաղաքից հյուսիս–արևելք ընկած հատվածում և թուրքական զինուժը ամբողջությամբ վերահսկողություն է հաստատել Իդլիբ–Աֆրին սահմանային հատվածի վրա՝ հարավից: Մյուս կողմից Թուրքիայի զինուժը շարունակում է զինտեխնիկա և զինծառայողներ ուղարկել Իդլիբ նահանգ: Բացի այդ, ըստ թուրքական պարբերականի՝ Աֆրինում նոր ռազմական գործողությունների համար պատրաստությունները ավարտվել են, այն գրեթե ամբողջությամբ շրջափակվել է թուրքական զորքերով:

Թուրքագետ Հակոբ Չաքրյանը, սակայն, նշում է, որ ավելի վաղ, երբ քրդերը ժամանակին գրավեցին Եփրատ գետից արևմուտք գտնվող հատվածը, Թուրքիան հայտարարեց, որ դա չի հանդուրժի:

Թուրքիայի աչքի առջև է մեծ Մերձավոր Արևելքի մասնատման ծրագիրը, որի 23 երկրների թվում է նաև իր երկրի անունը: Եվ դա է պատճառը, որ Թուրքիան Ամերիկայի քրդական ծրագիրը սվիններով է ընդունում և ոչ մի կերպ չի կարողանում համակերպվել դրա հետ: Այդ մասին 2006 թվականին Կոնդոլիզա Ռայսը թուքերին ուղիղ տեքստով է ասել: Եվ այդ է պատճառը, որ եթե ներկայիս սիրիական տարածքի՝ Եփրատից դեպի արևելք ընկած հատվածից մինչև Իրաքի սահման քրդական պետություն ձևավորվի, ապա այն կներառի Աֆրինը ու քրդերը կկարողանան դուրս գալ Միջերկրական ծով:

Արաբական գարնան ծրագրի ու մեծ Մերձավոր Արևելքի երկրների մասնատման ծրագրի միաժամանակ շրջանառության մեջ դնելուց հետո, շատ երկրներ արդեն մասնատվել են:

Այս ընթացքում արդեն Լիբիան հասցրել է յոթ մասի բաժանվել և այնտեղ ձևավորվել է յոթ տարբեր կառավարություն, Իրաքը դե ֆակտո մասնատված է: Սիրիական դեպքերը մասնատեցին նաև Սիրիան և Եփրատ գետից մինչև հյուսիս–արևելյան շրջանները, ինչպես նաև Եփրատից մինչև հյուսիսային Իրաք ընկած հատվածը, որը երկրի տարածքի մոտ 30 տոկոսն է կազմում, այլևս Բաշար ալ Ասադի գերիշխանության տակ չեն:

«Հերթը հիմա Թուրքիայինն է: Իրականում Թուրքիան Սիրիայի դեմ Եվրամիության և Միացյալ Նահանգների կողմից վարվող քաղաքականությունը դիտում է որպես իր երկրի մասնատման սպառնալիք, իսկ Արևմուտքը Թուրքիային դիտում է որպես իրենց մերձավորարևելյան քաղաքականության խոչընդոտը: Եվ ինչքան էլ թուրքերը պաշտոնական Մոսկվայի հետ համագործակցեն, այնուամենայնիվ ռուսները թուքական կողմին չեն վստահում: Բացի այդ, ռուսական կողմն էլ իր շահերն ունի: Չնայած, Թուրքիային ամերիկացիների գիրկը չմղելու համար ռուսները նրանց հետ ինչ–որ տեղ համաձայնում են»,– ասաց թուրքագետը:

Եթե Արևմուտքի ծրագիրն իրականություն դառնա, այդ դեպքում թուրքերը շատ արագ քրդական պաշարման մեջ կհայտնվեն: Եվ այդ պատճառով է, որ բավականին անհանգստացած են:

«Բայց, հետաքրքիրն այն է, որ երբ թուրքերը շարժվեցին Աֆրինի ուղղությամբ, այդտեղ ոչ մեծ քանակությամբ ռուսական զորք կար: Իսկ Սիրիայի պաշտպանության նախարարությունը հայտարարել էր, որ եթե թուրքական զորքերը խախտեն սահմանը, ապա իրենք կկրակեն: Սակայն հաջորդ օրը հայտնի դարձավ, որ ոչ մի գործողություն էլ չձեռնարկեցին: Այդ ժամանակ պարզ դարձավ նաև, որ թուրքական և ռուսական ուժերը համագործակցում են նաև այդ պատճառով, որ սիրիական ուժերը որևէ քայլ չձեռնարկեցին»,– ասաց Հակոբ Չաքրյանը:

Իրականում թուրքական կողմի նպատակն է քրդաբնակ Աֆրինն ազատագրել տեղացի քրդերից և քրդերի գերիշխանությանը վերջ դնել: Թուրքերի ծրագրերը, սակայն, այդքանով չեն ավարտվում, համոզված է թուրքագետը: Եթե նրանց հաջողվի վերցնել Աֆրինը, ապա թուրքերը կշարժվեն դեպի Մենբիչ:

«Բայց այստեղ արդեն ամերիկյան զորքեր կան և ամերիկյան դրոշներ են ծածանվում, իսկ արևելքում էլ քրդական պետություն է ձևավորվում մինչև Իրաքի սահման: Եվ եթե ԱՄՆ–ին հաջողվի այդ տարածքում ձևավորել քրդական պետություն, ապա դրանով Միացյալ Նահանգները կկանխի Իրանի ներթափանցումը Սիրիա»,– ասաց Հ. Չաքրյանը:

Թուրքագետի կարծիքով սա էլ իր հերթին կհանգեցնի ռուս–իրանական դաշինքի թուլացմանը, սակայն խնդիրն այն է, որ Աֆրինի վրա հարձակումից հետո սիրիական բանակը հասցրել է շարժվել դեպի Իդլիբ, որտեղ գերիշխում է «Ալ–նուսրա» խմբավորումը: Հ. Չաքրյանի խոսքով ուր որ է սիրիական բանակը կգրավի Իդլիբը, իսկ թե ինչ կլինի դրանից հետո, այս պահին դժվար է ասել:

«Ենթադրվում է, որ նախքան Աֆրինի անկումը, Ասադի զորքերը կմտնեն Իդլիբ: Քրդերը մի քանի տարբերակ են քննարկել՝ թողնել ամեն ինչ և փախչել, Աֆրինը հանձնել ռուսներին, համաձայնել Ասադի վարչակարգի հետ կամ դիմադրել: Այս պահին ընտրել են վերջին տարբերակը և փորձում են դիմադրել, իսկ եթե թուրքերը մտնեն քաղաք, նրանք բավականին զոհեր կունենան, որից շատ են խուսափում թուրքերը»,– ասաց Հ. Չաքրյանը:

Այս օրերին, սակայն, այնպիսի քաոս է տիրում, համոզված է թուրքագետը, որ դժվար է որևէ կանխատեսում անել: Սակայն, եթե այնպես ստացվի, որ Աֆրինից հետո շարժվեն Մենբիչի ուղղությամբ, ապա թուրքական ծրագրի և ցանկությունների մասին հնարավոր կլինի ավելի խորքային պատկերացում կազմել, որից հետո նաև, որոշ չափով, կհստակեցվեն հետագա քայլերը:

 

Շարունակությունը՝ «Փաստ» օրաթերթի այսօրվա համարում

 

 

website by Sargssyan