21.Հոկտեմբեր.2017
Հետաձգել նախագահական ընտրությունները, անցկացնել՝ պառլամենտականը. «Փաստ» Մաշկի փոխպատվաստման համար հայաստանյան բժիշկները շուտով այլընտրանք կունենան. «Փաստ» Դպրոցը փլվում է. «Փաստ» Վարկ է վերցրել և անմիջապես պարտքով տվել. «Փաստ»
Հետաձգել նախագահական ընտրությունները, անցկացն... Մաշկի փոխպատվաստման համար հայաստանյան բժիշկնե... Դպրոցը փլվում է. «Փաստ» Խցանումները նյարդայնացրել են նաև կառավարությա... Վարկ է վերցրել և անմիջապես պարտքով տվել. «Փաս... ՊՆ աշխատակիցը 12 միլիոն դրամի պարտատոմս ունի.... 2025 թվականին մահերը գերազանցելու են ծնունդնե... Երկրի պաշտպանությունը կարևոր է, բայց ոչ ի հաշ... Մկրտիչ Մինասյան. «Եթե Հայաստան–ԵՄ համաձայնագի... Ընտանեկան բռնությունների մասին օրենքը, հիմարա... Ախուրյանի ՀՅԴ–ական համայնքապետը ՀՀԿ–ի «դաբրոն... 10 հայ աստղեր, որոնք այժմ ավելի գեղեցիկ են, ք... Պապիկի պարը ցնծել է ամբողջ ինտերնետը Հայերը Ամերիկայում Ամենաիրական բաղադրատոմսը իսկապես նիհարելու հա... Կանանց ո՞ր սխալներն են վանում տղամարդկանց սիր... Ալավերդու փրկարարներն ու ոստիկանները, Դեբեդ գ... Լսողությունը ստուգող ԹԵՍՏ. Արդյո՞ք լավ լսողու... Ծննդատնից՝ հոգեբուժարան.... Տապասիան իրական կյանքում մահացել է Ինչպե՞ս պատասխանել երեխայի տված «բարդ» հարցեր... 10 իրեր, որոնք հաջողություն են բերում տանը. Ի... Մայր ու որդի մարդակեր են... ՈՒ ՍԱ ՀԱՅՐ Է ԿՈՉՎՈՒՄ... գորիսցի տղամարդը բռնա... Եղել եմ «Կյանքի խոսք»-ում, բայց դա աղանդ չէ. ...

Հայ հետախույզը` Թուրքիայի Մեջլիսի անդամ. «Փաստ»

«Փաստ» օրաթերթը գրում է.

Տարիներ առաջ մամուլում տպագրված իմ այս հոդվածը վերատպեցին թուրքական առաջատար գրեթե բոլոր թերթերը («Հուրիեթ», «Միլլիեթ», «Զաման» և այլն):
Բանը հասավ նրան, որ այս տեղեկության իսկությունը ճշտելու համար կոնկրետ հարցադրում արվեց Թուրքիայի Ազգային մեծ ժողովի (ԹԱՄԺ) նախագահ Մեհմեդ Ալի Շահինին:

Թուրքական խորհրդարանում հնչած հարցին, թե «Հայկական թերթերից մեկի համաձայն` 1980–ականներից առաջ ազգությամբ հայ, ԽՍՀՄ–ի կողմից ուղարկված մի գործակալ թուրք խորհրդարանականներից մեկի մահվանից հետո հաջողացրել է թափանցել ԹԱՄԺ և ծավալել հետախուզական գործունեություն: Նման բանի մասին Դուք լսե՞լ եք», Շահինը պատասխանել է. «Ոչ, չեմ լսել: Սակայն կասեմ` համոզիչ չի թվում այդ պնդումը: Այստեղ բոլորը միմյանց ճանաչում են: Մի՞թե հնարավոր է այդպիսի բան: Հնարավոր չէ»:
Բայց ես թուրքական հատուկ ծառայությունների աշխատակիցներին պետք է հուշեմ` դեպքերը տեղի են ունեցել 1945–52 թվականներին: Թե ինչու է շեշտվում 80–ականները, անհայտ է: Ես տարեթիվ չէի նշել:

Այս ֆանտաստիկ թվացող պատմությունը մեր հրապարակումից հետո որոշ երկրների անվտանգության մարմիններ, անշուշտ, կհերքեն կամ կձևացնեն, թե չեն կարդացել:
Բայց փաստը մնում է փաստ, որ ժամանակին հայտնի քաղաքական գործիչ, Թուրքիայի պառլամենտի անդամ Մահմուդ Շովքեթի (անունը փոխված է) նմանակ, ԽՍՀՄ ռազմական հետախուզության (ГРУ) կողմից գործուղված Սմբատ Խոջոյանը Թուրքիայի Մեջլիսում մի քանի տարի «փոխարինել» է թուրք պատգամավորին:

Համաշխարհային հետախուզական պրակտիկայում այս բացառիկ, նմանը չունեցող, համարձակ, ոսկերչական նրբությամբ հանճարեղորեն իրականացված օպերացիայի մասին երբեք չեն խոստովանի. Թուրքիան` ամոթից, իսկ և ԽՍՀՄ–ի ու նրա հետնորդ ՌԴ–ի հատուկ ծառայությունները` գերգաղտնիությունից ելնելով:
ԽՍՀՄ ռազմական հետախուզության աշխատակից, թուրքերենին գերազանց տիրապետող Սմբատ Խոջոյանը (ծագումով Իջևանի շրջանի Աչաջուր գյուղից) քանիցս գործուղվել էր Անկարա` հետախուզական հատուկ հանձնարարություններով: Որոշ ժամանակ անց նրան կրկին հրավիրում են Լուբյանկա:

– Սմբատ Համբարձումովիչ, ղեկավարությունը մշտապես հիացած է պրոֆեսիոնալ հետախույզի Ձեր գործողություններով,–առանց նախաբանի սկսեց ռազմական հետախուզության հայտնի ղեկավարներից մեկը,–այս հանձնարարությունը վեր է մարդկային ամենավառ երևակայությունից անգամ: Դուք պետք է անորոշ ժամանակով մեկնեք Անկարա: Թուրքիայի կառավարող կուսակցության հայտնի գործիչ, Մեջլիսի անդամ Շովքեթն արտաքինից ֆանտաստիկ նման է Ձեզ, անգամ ձայնի մեջ նմանություն կա: Դուք պետք է ստվերի պես հետևեք նրան: Ճանաչեք նրա շրջապատը, ընկերներին, հարազատներին, թշնամիներին, ծանոթանաք նրա սովորույթներին: Նա առողջական խնդիրներ ունի, անհրաժեշտ պահին կհեռանա այս փուչ աշխարհից: Բայց ոչ ոք չի իմանա այդ մասին: Նրա փոխարեն Դուք կմտնեք պառլամենտ, ընտանիք, ընկերական շրջապատ: Դուք կդառնաք Շովքեթ: Մեկ շաբաթից մեկնեք Թուրքիա, հաջողություն:
Այս խոսակցությունից երեք տարի էր անցել: Խոջոյանն իսկապես ստվերի պես հետապնդում էր Շովքեթին: Գիտեր նրա սովորությունները, ծխում էր նույն ծխախոտը, խմում նույն սուրճը, օգտվում նրա նախընտրած ճաշացանկից, նմանակում շարժուձևը: Երեկոները երբեմն թվում էր, թե հայելու միջից իրեն է նայում թուրք մեջլիսականը: Ճանաչում էր կնոջը, երեխային: Մորուքով կամ բեղերով քողարկված (նմանությունը ուշադրություն կգրավեր) փականագործի, ապակի գցողի անվան տակ բազմիցս եղել էր Շովքեթի բնակարանում: Ձայնագրում ու արտասանում էր Շովքեթի ելույթները:
Միայն երեք տարի անց Խոջոյանը Կենտրոնին լակոնիկ ծածկագիր ուղարկեց. «Я готов»:

…Քաղաքական այրերը ոչինչ չկռահեցին, Խոջոյան–Շովքեթը ելույթներ էր ունենում, լինում այնպիսի տեղերում, որտեղ օձն իր պորտով չէր կարող հասնել: ԿԳԲ–ն և ռազմական հետախուզությունը հիացած էին Մեջլիսի անդամ Շովքեթով, որը մոլի… հակակոմունիստ էր:

Ըստ չճշտված աղբյուրների` Խոջոյան–Շովքեթը նույնիսկ մասնակցել էր հերթական պառլամենտական ընտրություններին և կրկին դարձել պատգամավոր:
Սակայն սկզբում ամեն ինչ հարթ ու սահուն չի եղել: Շովքեթի դերում երկրորդ շաբաթում կինը դիմակազերծում է Խոջոյանին: Ում–ում` կնոջը չես խաբի: Բայց ամեն ինչ կանխատեսված էր: Շովքեթի կինը, ի բարեբախտություն Սմբատ Խոջոյանի, Եղեռնից մազապուրծ հայի թաքնված աղջիկ էր: Նա չմատնեց հետախույզին: Կինը սկսեց համագործակցել Սմբատի հետ:

Տարիներ անց թուրքական հետախուզությունը որսաց Խոջոյանի հետքը: Կենտրոնը Եվրոպայով նրան երկրից դուրս բերելու երկու անհաջող փորձ արեց: Մեծ արկածներով Խոջոյանն անհետացավ տեսադաշտից: Հարգելով Շովքեթի հիշատակը և վախենալով խայտառակությունից`իշխանությունները Խոջոյանի նկարը, որպես լրտեսի, չփակցրին համապատասխան տեղերում:

…Եվ մի օր Սմբատ Խոջոյանը առավոտ կանուխ փորձեց լողալով անցնել Արաքսը: Թուրքերը նկատեցին սահմանախախտին և կրակ բացեցին: 15 ժամ ջրի տակ մնալուց հետո (շնչում էր եղեգով), խավարի մեջ լողալով հասավ փրկության ափը:

1984 թվականի աշնանային մի օր Երևանի Սիլաչի թաղամասով մի բազմամարդ թափոր էր անցնում: Առջևից տանում էին հանգուցյալի` ԽՍՀՄ ռազմական հետախուզության փոխգնդապետի պետական շքանշանները: Զինվորական նվագախումբը մինչև գերեզման չլռեց: Հարազատներն այդպես էլ չիմացան, թե որտեղից հայտնվեցին նրանք, և ովքեր էին Մոսկվայից ժամանած մեկ տասնյակ ռուս բարձրաստիճան զինվորականները:

Շարունակությունը` «Փաստ» օրաթերթի այսօրվա համարում:

loading...
website by Sargssyan