15.Դեկտեմբեր.2017
Հումանիստական աղմուկ. «Փաստ» Սամվել Խուդոյան. «Տոները կրճատելը սխալ է, առաջարկի մեջ լոգիկա չկա». «Փաստ» Վահան Մովսիսյան. «Ունենք բազմաթիվ համայնքներ, որոնք տնտեսական զարգացման պոտենցիալ չունեն». «Փաստ» Ինչո՞ւ է Հռոմի պապն ուզում խմբագրել Աստծուն. «Փաստ»
Հետաքրքիր մանրամասներ «օրենքով գող» Ռաֆայել Բ... 16 անսպասելի բաներ, որ անհավանականորեն նման ե... Հայտնի հայ տղամարդկանց աստղային էվոլյուցիան Սիրված Դերասանուհի Աիդա Բաբաջանյանի ընտանիքը ... Եգիպտական հորոսկոպ` ըստ ծննդյան ամսաթվի. ճշգր... Սվո Ռաֆի որդու հույժ գաղտնի թաղումը. ավտովթա՞... Սկանդալային մոդել Գայանե Բաղադասարյանը նոր տե... Սիրուշոն ներկայացրել է՝ ինչպես է անակնկալ այց... Երբ սեռական օրգանները կատաղում են. սեքսապաթոլ... «15-ը փոքր տարիք է նման բաներով զբաղվելու համ... Սարսափելի ավտովթար է տեղի ունեցել, որի հետևան... Մերժվածը 419. Դիտեք այսօրվա սերիան. ՎԻԴԵՈ․ Տղամարդը, չնայած կնոջ աղերսանքներին, ն... Ձկներին մեծ փոփոխություններ են սպասվում. Դեկտ... Նռան հատիկ, Սերիա 70, Դիտեք այսօրվա սերիան. Գ... Հումանիստական աղմուկ. «Փաստ» Լուսանկարներ. «Հայ տղաները միշտ ագահի դեմքով ... Սամվել Խուդոյան. «Տոները կրճատելը սխալ է, առա... Դիլիջանում ավտոբուսի սրահը տաքացվում է գազի խ... Վահան Մովսիսյան. «Ունենք բազմաթիվ համայնքներ,... Անմարդկային քաղց, թե՞ հոգեկան շեղում. դաժանու... Բացառիկ...Բոլոր մանրամասները Ապրիլյան պատերազ... «Իրա սև գործն արեց, թռավ». 13 հազար դոլար պար... Իվետա Եդիգարյանը մահացու վրաերթ է կատարել Ինչո՞ւ է Հռոմի պապն ուզում խմբագրել Աստծուն. ...

Միջոցների խնայողություն՝ կոնկրետ անձանց և ընտանիքների հաշվին. «Փաստ»

«Փաստ» օրաթերթը գրում է.

Մեր հյուրն է «Ունիսոն» ՀԿ նախագահ Արմեն Ալավերդյանը

– Պարո՛ն Ալավերդյան, 3–րդ կարգի հաշմանդամություն ունեցող անձանց պետպատվերով բուժօգնության հարցն է բարձրացվել: Չի բացառվում, որ նրանք հնարավորություն չեն ունենա պետպատվերով բուժօգնություն ստանալ: Նման որոշում կայացնելն արդարացված կլինի՞:

– 3–րդ կարգի հաշմանդամություն ունեցող անձինք այսօրվա դրությամբ 50 տոկոս զեղչով են բուժվում: Բայց տվյալ պահին, անգամ եթե կարգը գործում է, համակարգն ընդհանրապես արդյունավետ չէ: Անվճար բուժումը շատ կասկածելի է որակի առումով: Բացի այդ, անձը շատ թաքնված կամ ոչ թաքնված վճարումներ, այնուամենայնիվ, ստիպված է կատարել: Նշանակում են դեղեր, որոնք չկան զեղչված կամ անվճար դեղերի ցանկում: Կան պրոցեդուրաներ, որոնք այսպես թե այնպես պետությունը չի հոգում: Ես չեմ կարող ասել, որ այսօր նրանք լիարժեք բուժվում են: Առհասարակ մտահոգիչ է տենդենցը: Կա վտանգ, որ մարդիկ, ովքեր ունեն հաշմանդամության 3–րդ կարգ, կկորցնեն այն: Այսպիսի ինչ–որ քաղաքականություն է իրականացվում, որն ինձ համար անհասկանալի է: Թեև ոչ ծանր, բայց մարդը հաշմանդամություն ունի: Ինչո՞ւ պետք է նա հաշմանդամի կարգավիճակից կամ դրա հետ կապված իրավունքներից և արտոնություններից զրկվի: Մեզ ասում են, որ անկախ նրանից՝ մարդն ունի հաշմանդամության խումբ, թե ոչ, կստանա իրեն անհրաժեշտ ծառայությունները: Բայց որտե՞ղ են այդ ծառայությունները՝ չենք տեսնում: Նույնիսկ 1–ին խմբի հաշմանդամը շատ ու շատ անհրաժեշտ ծառայություններից է զրկված, ուղղակի ինչ–որ նվազագույն աջակցություն է ստանում:

– Մարզային առողջապահության կազմակերպիչները նշել են, որ եթե մարդն աշխատունակ է և վճարունակ, ապա գոնե թող համավճարով սպասարկվի: Ընդգծվել է նաև, որ պետպատվերից օգտվողների թիվը շատ ավելի մեծ է, քան նրանց պատշաճ բուժօգնություն ցուցաբերելու համար հատկացված գումարը¬: Հաշվի առնելով երկրի սոցիալական վիճակը, փոփոխությունը էական հարված չի՞ հասցնի մարդկանց:

– Սա մտահոգիչ է: Չի կարելի սոցիալական դժվար և բարդ իրավիճակում գտնվող մարդկանց զրկել ամեն ինչից: Բացի դրանից՝ անհատական մոտեցում է պետք: Կան մարդիկ, ովքեր ունեն հաշմանդամության 3 խումբ կամ դրան համարժեք վիճակ ու աշխատում են: Միգուցե նրանք իրոք խնդիր չունեն և վճարունակ են: Բայց պետք է մարդակենտրոն քաղաքականություն վարել: Անձը, ով իր հոգսերն ու կարիքները հոգալու հնարավորություն չունի, պետությունից պետք է աջակցություն ստանա: Թեև հնարավոր փոփոխության մասին հստակ տեղեկատվություն չունեմ, բայց ընթացքն ինձ համար պարզ է: Միջոցների խնայողություն է կատարվում կոնկրետ մարդկանց և ընտանիքների հաշվին, ինչն անընդունելի է: Խնայողությունները պետք է ուրիշ տեղ անել: Մենք անարդյունավետ օգտագործվող ռեսուրսներ ունենք: Պետք է հաշվի առնել, որ հատկապես մարզերում բնակվող հաշմանդամություն ունեցող մարդկանց համար դժվար է: Գործազրկության մակարդակը հսկայական է: Դժվար է ակնկալել, որ հաշմանդամություն ունեցող մարդը հեշտությամբ ինչ–որ աշխատանք կգտնի: Ինչ վերաբերում է հարցի երկրորդ մասին, թե պետպատվերից օգտվողների թիվը շատ ավելի մեծ է, քան բուժօգնության համար հատկացված գումարը¬, ապա այդ հարցը քաղաքացու խնդիրը չպետք է լինի: Մենք ունենք ֆինանսիստներ՝ թող հաշվարկեն, որից հետո միայն իրավունքը սահմանեն: Հակառակ պարագայում մենք հաճախ խնդիրների ենք բախվում: Օրինակ՝ 1–ին խմբի հաշմանդամը պետպատվերով հետազոտություն պետք է անցնի, բայց հայտնում են, որ այս տարվա պետպատվերի գումարը սպառվել է: Կներեք, բայց ինչո՞ւ ինձ պետք է հուզի՝ գումարը սպառվել է, թե ոչ: Բարի եղե՛ք ու անվճար իրականացրեք այդ ամենը: Եթե ոչ՝ պետք չէ մարդկանց աչքերին «թոզ փչելու» համար ասել, որ այդ իրավունքը կա:

– Եթե հարցն արդեն օրենքում փոփոխություններ կատարելու համատեքստում քննարկվի, Դուք որևէ նախաձեռնությամբ հանդես կգա՞ք:

– Մենք հետևողական պետք է լինենք, որ մարդու իրավունքների ոտնահարում չլինի: ՀՀ քաղաքացին ունի արժանապատիվ կյանք վարելու, առողջապահության նվազագույն ծառայություններ ստանալու իրավունքը: Մենք պետք է ավելի հստակ հասկանանք ու ծանոթանանք մանրամասներին, հիմնավորումներին: Այդ ամենից հետո, բնականաբար, մենք ձեռքներս ծալած չենք նստի: Մենք մեր դիրքորոշումը կհայտնենք ու կփորձենք այնպես անել, որ այն ազդի վերջնական որոշումների վրա:

 

 Շարունակությունը՝ «Փաստ» օրաթերթի այսօրվա համարում

loading...
website by Sargssyan